Il-Ministeru għal Għawdex kiseb finanzjament ta’ €42.57 miljun mill-Unjoni Ewropea permezz tal-Fond Ewropew għall-Iżvilupp Reġjonali (ERDF) sabiex itejjeb il-livell tal-għajxien fiż-żoni urbani ta’ Għawdex.
Dan l-investiment trasformattiv se jiffoka fuq:
- It-tisħiħ tal-ambjent urban permezz taż-żieda ta’ spazji ħodor u r-riġenerazzjoni ta’ spazji pubbliċi
- Restawr tat-toroq u l-faċċati ta’ valur storiku u kulturali.
- Mobilità sostenibbli u spazji pubbliċi aktar siguri
- Inizjattivi ta’ inklużjoni soċjali li jappoġġjaw komunitajiet vulnerabbli.
Permezz ta’ dawn l-interventi integrati, il-proġett se jikkontribwixxi għal Għawdex aktar ekoloġiku, aktar inklużiv u aktar reżiljenti għat-tibdil fil-klima, filwaqt li jtejjeb il-kwalità tal-ħajja kemm tar-residenti kif ukoll tal-viżitaturi.
Ikkofinanzjat mill-Unjoni Ewropea.
