Il-Ministru Clint Camilleri, Perit fil-professjoni, ilu jservi bħala Ministru għal Għawdex u l-Ippjanar minn Jannar tal-2024. Huwa nħatar Ministru għal Għawdex għall-ewwel darba fl-2020, u reġa’ ġie kkonfermat wara l-Elezzjoni Ġenerali ta’ Marzu 2022. Clint Camilleri studja fl-Universitajiet ta’ Malta u Ketucky, l-Istati Uniti, u b’suċċess iggradwa bħala Perit u Inġinier.
Imrobbi minn familja involuta fil-politikà, huwa kompla fuq il-passi ta’ nannuh u tal-mibki missieru. Il-Perit Camilleri kien l-ewwel Sindku elett fl-2012 f’raħal twelidu, il-Qala.
Fl-2017, huwa kkontesta b’suċċess l-elezzjoni ġenerali u ġie elett membru tal-parlament fit-13-il distrett. Huwa nħatar Segretarju Parlamentari għall-Agrikulura, Sajd u d-Drittijiet tal-Annimali.
Clint Camilleri huwa miżżewweġ lil Dr Deborah Camilleri u huwa missier ta’ żewġt ibniet.