Residenti f’Għawdex li jaħdmu f’Malta fuq bażi full-time, kemm mas-settur pubbliku kif ukoll ma’ dak privat, huma eliġibbli għal sussidju annwali ta’ €650. L-għalliema u l-LSEs, li jivvjaġġaw b’mod inqas frekwenti lejn Malta minħabba l-btajjel tas-sajf, huma eliġibbli għal sussidju annwali ta’ €525. Applikanti li jirċievu kwalunkwe rifużjoni/sussidju/allowance fir-rigward tal-ispejjeż tat-trasport minn min iħaddimhom huma eliġibbli għal sussidju annwali ta’ €300.00. Dan japplika wkoll għal kwalunkwe vjaġġatur li jiġi pprovdut b’ vettura (self-driven) mingħand min iħaddimhom jew li jiġi pprovdut b’ servizz ta’ trasport (bix-xufier) lejn u mit-terminal u l-post tax-xogħol tagħhom. Ħaddiema Postali u kull min jaħdem f’raġġ ta’ 1 km mit-Terminal tal-Vapuri taċ-Ċirkewwa huma eliġibbli għal sussidju annwali ta’ €300.00.
Dan is-sussidju jista’ jkopri wkoll spejjeż relatati mat-trasport kollettiv organizzat mill-ħaddiema miċ-Ċirkewwa sal-post tax-xogħol tagħhom u lura.
Dan is-sussidju se jinħareġ darbtejn fis-sena, bl-ewwel pagament ikopri l-perjodu bejn Jannar u Ġunju, u t-tieni wieħed ikopri Lulju sa Diċembru.
L-applikazzjonijiet sottomessi għandhom jiġu vverifikati minn min iħaddimhom rispettivament.
Għal aktar informazzjoni, jekk jogħġbok ikklikkja hawn.
L-applikazzjoni ġiet l-aħħar aġġornata fit-3 ta’ Lulju 2024
