Deskrizzjoni

B’ din l-iskema ser tkun qed tingħata għajnuna lil min iħaddem. L-għajnuna ser tkun fil-forma ta’ għotja finanzjarja mifruxa fuq perjodu ta’ 3 snin u ser tkun imħallsa proporzjonalment fuq in-numru ta’ ġranet li l-impjegat jingħata telework.

L-iskema toffri wkoll għotja finanzjarja relatata mal-Investiment Teknoloġiku u Kapitali sabiex l-impjegat jakkwista l-għodda meħtieġa li bih ikun jista’ iwettaq ix-xogħol.

L-Iskema tat-Teleworking f’Għawdex ser tkun qed tipprovdi għajnuna lil min iħaddem li jkun ibbażat u rreġistrat f’Malta sabiex, jekk ix-xogħol tagħhom ikun jippermetti, joffru lill-impjegati tagħhom li jkunu residenti Għawdxin il-faċilità li jaħdmu mid-dar. B’hekk l-impjegati jkollhom l-opportunità li jibbilanċjaw l-impenji tax-xogħol u tal-ħajja tagħhom filwaqt li xorta jżommu l-istess livell ta’ prestazzjoni.

Din l-iskema bħalissa hija magħluqa.

L-applikazzjoni ġiet l-aħħar aġġornata fil-11 ta’ Settembru 2020