Deskrizzjoni

Il-Ministeru għal Għawdex u l-Ippjanar, f’konformità mad-Dokument tal-Baġit 2019, se jkun qed jissussidja l-ispejjeż tal-ivvjaġġar li jagħmlu l-pazjenti meta jivvjaġġaw bejn il-gżejjer Maltin għal kura tal-kanċer, dijaliżi renali, jew għal operazzjoni fi sptarijiet tal-istat. Se jkun qed jissussidja wkoll l-ispejjeż tal-akkomodazzjoni.

Is-sussidju se jingħata lill-pazjent u lil adult li jakkumpanjah. Se tkopri l-ispejjeż tal-vapur u se tgħin ukoll biex ittaffi l-piż tal-ispejjeż tal-akkomodazzjoni. Kemm pazjenti residenti f’Għawdex li jivvjaġġaw lejn Malta kif ukoll pazjenti residenti f’Malta li jivvjaġġaw lejn Għawdex se jkunu intitolati.

Il-biljetti tal-vapur tal-pazjent u tal-adult li jakkumpanjahom (vettura flimkien ma’ passiġġier wieħed) jiġu rimborżati.

Apparti r-rimborż tal-biljetti tal-laneċ, jingħata wkoll allowance addizzjonali biex tgħin biex jittaffew l-ispejjeż assoċjati mal-akkomodazzjoni f’Malta jew Għawdex skont il-każ: jekk l-appuntament fl-isptar ikun qabel it-8:30am u meta l-pazjent u l-akkumpanjament jridu jsibu akkomodazzjoni sabiex ikunu diġà fil-gżira fejn huwa skedat l-appuntament. Dan is-sussidju huwa limitat għal €45 għal kull persuna għal kull lejl.

Kemm pazjenti residenti f’Għawdex li jivvjaġġaw lejn Malta kif ukoll pazjenti residenti f’Malta li jivvjaġġaw lejn Għawdex se jkunu intitolati. Din l-għajnuna finanzjarja se tingħata kemm lill-pazjent kif ukoll lill-adult li jakkumpanjah.

Żona ta’ Informazzjoni

Kura tas-saħħa – Jkollok trattament mediku fi stat membru ieħor.

Ħolqa biex tapplika:

https://www.servizz.gov.mt/mt/Pages/O_rajn/Affarijiet-Re_jonali/G_awdex/WEB032/default.aspx

L-applikazzjoni ġiet l-aħħar aġġornata fil-11 ta’ Settembru 2020